الحاج حسن ابن الراحل المقيم على محمود التنقارى

الاغانى السودانية بها درر ظلت وستظل راسخة فى وجدان المستمع السودانى والامثلة كثيرة ..ابوصلاح(جوهر صدر المحافل) و العبادى(ملوك ام در)وعتيق (ايام صفانا) وعبد الرحمن الريح(جانى طيفه طايف) وغيرها من الروائع وهنالك جيل ظهر فى نهاية الحقيبة ومنهم على محمود التنقارى الذى اثرى الساحة الغنائية بالعديد من الدرر مثل (كيف لا اعشق جمالك )و (تحدى) و (عنى مالوا صدوا واتواروا):
عني مالم .. صدو اتوارو
حظي عاكس .. ولا هم جارو
جفت العين .. والمنام بدري
الحبايب بي .. لو تدري
راعو انصافي .. وجليل قدري
وبعدما طال .. الغياب جارو
عني مالم .. صادو اتوارو
حظي عاكس .. ولا هم جارو
ضيفنا اليوم هو العم مكى على محمود تنقارى المشهور ب حسن ابن الراحل المقيم
س:اين ولد الشاعر على محمود التنقارى؟
ج:ولد بامدرمان ود درو عام 1918م ووالده كان معلما للقران الكريم بخلوة ود درو وعندما بلغ الثالثة من عمره ارتحلوا الى المسلمية وقضوا بها ما بين سبعة الى ثمانية سنوات وعاد الى امدرمان ثانية دون والديه واستقر مع اعمامه بشير وصديق الشيخ عاملا تجاريا بسوق امدرمان وخلال ذلك التحق بالدراسة المسائية بمدرسة امدرمان الاميرية بجانب عمله.وكان والده متزوجا من والدة الحاج محمد احمد سرور وانجب منها شقيقه الاكبر الشيخ محمود التنقارى وطبعا بحكم هذه العلاقة فان بدايته الادبية والفنية كانت مع ناس سرور وابتدا بعد ذلك الدخول فى المجتمعات الفنية وفى عام 37 انشا محله التجارى الخاص بسوق امدرمان وكان المحل منتدى لكل الشعراء والادباء امثال ابو صلاح والعبادى و ود الرضى .
س: ما هى اول اغنياته؟
ج: (علشان بحبو) واعطاها للفنان كرومة وهى الان مسجلة فى الاذاعة بصوت الفنان عوض الكريم عبد الله.
س: العم حسن بما انك اكبر ابناء الراحل ماذا تذكر عن طفولتكم؟
ج:اذكر اننا كنا اطفال وعندما يحضر الضيوف للوالد كانت مهمتنا احضار الضيافة وهؤلاء الضيوف منهم (العبادى وسيد عبد العزيز محمد بشير عتيق عبد الرحمن الريح وايضا عائشة الفلاتية ورمضان حسن ومحجوب عثمان وكما ذكرت فان المكان كان منتدى جامع لاهل الادب والشعر.
س:والدكم خلق ثنائية مع عائشة الفلاتية هل توافقنى على ذلك؟
ج: صحيح استاذة نهى وكانت تلك اول ثنائية فى الوسط الفنى وقدم للفلاتية حوالى من 15 – 16 اغنية على سبيل المثال غنى يا طيور غنى

الحان الربيع معرض الزهور غني ....
غني يا طيور غني
غني يا طيور نغمك الحنون يشرح الصدور ... غني
غني .. غني يا طيور غني
وغني يا طيور روضك النضير يبعث السرور
غني .. غني يا طيور غني
غني يا طيور حولك الورود فتحت زهور
غني .. غني يا طيور غني
فتحت ثقور من ضياءها نور زي صدى البدور
غني .. غني يا طيور غني
الربيع . .. الربيع .. الربيع ... يزيد الرياض جمال
ويمنح النفوس قوة احتمال
نسائم الشمال ... الشمال .. للجنوب ... تزور
غني .. غني يا طيور غني
------------
الربيع . .. الربيع .. الربيع ... يزيد الرياض جمال
ويمنح النفوس قوة احتمال
نسائم الشمال ... الشمال .. للجنوب ... تزور غني
غني .. غني يا طيور غني
غني .. غني يا طيور غني
غني .. غني يا طيور غني
...




س:على محمود التنقارى قدم اغانى لعدد كبير من الفنانين منهم رمضان حسن ماذا تذكر عن ذلك؟
ج:اغنية(تحدى كانت من الروائع التى قدمها الوالد للشاعر الراحل المقيم رمضان حسن ويقول مطلعها :
انا سلمتو قلبى وقايلو امين عليهو
تحدانى وجافانى ونسى تقديرى ليهو
ورمضان حسن من مدنى ولكنه كان مقيم فى الخرطوم وهو من الاصداقاء الذين كانوا مداومين على الاجتماع بدكان الوالد والذى توفى قبل الجميع يوم 17/11/1968م وتوفى قبله ابو صلاح.
س: من هم ابناء على محمود التنقارى ؟
ج: زوجته الجلاد على الشيخ رحمها الله وقد توفيت عام 95 ونحن ثلاثة اشقاء شقيقنا السنوسى توفى بعد الوالد بثلاثة سنوات واليوم الاحياء انا وشقيقى سيف الدولة.
س: من اين اكتسبتم هذا الاسم(التنقارى)؟
ج: هذا اسم جدنا الاكبر الشيخ حامد ابن الشيخ مكى ابن الشيخ على ابن الشيخ حامد ابو عصا وقد سمعنا انه لقب بالتنقارى لتبحره فى العلم؟
س: اهدى للقراء احدى قصائد والدكم رحمه الله
ج: اهدى لهم اغنية كيف لا اعشق جمالك واترحم على الراحل المقيم عثمان حسين الذى نعتبره عم لنا جميعا.
ما رأت عيناى مثالك.. و كيف لا اعشق جمالك
كيف لا اعشق جمالك ..و انت مغرى
زنت بى ادبك جمالك..و انت سحرى
فيك اجمل شي خصالك..و انت بدرى
و ابعد الغايات منالك
لو رنيت ترسل نبالك
قلبى لاعب بيهو مالك
ليهو حق لو كان هوانك
و كيف لا اعشق جمالك
بسمتك توحى الاغانى
و اسمى ايات المعانى
فى هواك لاقيت هوانى..و بيهو راضى
معتلى قلبى و لسان
انت ذى زهر الخميلة
تزدهر فى روح جميلة
و عاليه اخلاقك نبيلة
و يخجل البدرين هلالك
و كيف لا اعشق جمالك..
انت رافل فى نعيمك
و بس انال منك جحيمك
و قول لى كيف اظفر بليمك
نارى تطفا..روحى ترفا
فى سما العز ذى كماك
كيف لا اعشق جماك
.