نهى محمد الربيع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

:السيدة الفاضلةفردوس احمد مصطفى زوجة الراحل المقيم عثمان حسين

اذهب الى الأسفل

:السيدة الفاضلةفردوس احمد مصطفى زوجة الراحل المقيم عثمان حسين Empty :السيدة الفاضلةفردوس احمد مصطفى زوجة الراحل المقيم عثمان حسين

مُساهمة  Admin الأحد ديسمبر 09, 2012 12:41 pm

انا بعشق امدرمان حب الوطن ايمان
واعظم رسالة
لاشك هى امدرمان فيها الحياة الوان
بادب رفيع مزدان ترى فى عيونه جنان
يلهيك عن لبنان بى ظلاله
س:السيدة الفاضلةفردوس احمد مصطفى زوجة الراحل المقيم عثمان حسين ما هو سر عشق الراحل لامدرمان ؟
ج: عثمان حسين رحمه الله كان يحب كل السودان واهل السودان وليس امدرمان فقط ..حتى ان اولادنا بعضهم اغترب خارج الوطن ولكن انا والمرحوم رفضنا الهجرة
س: من اى القبائل انتى؟
ج:اهلى وعشيرتى من عطبرة و مولودة فى الخرطوم ولا تربطنا اى قرابة فعثمان شايقى وانا جعلية
حارم وصلى مالك يا المفرد كمالك
انا واحد غرامى وانا شاعر جمالك
مع طول انصرامى وتعزيبى وضرامى
ما استهوانى غيرك وما اتبدل غرامى
اسهر ليلى وحدى اروى غناى وحدى
وبى حسن اختيالك لى قلبى اغتيالك
ولا زال شوقى نامى
س: سمعنا ان هذه الاغنية فيك فهل هذا حقيقى ؟؟؟؟؟؟؟؟
ج: هذا صحيح الشاعر عتيق كتب فينى هذه الاغنية فقد كان الاحترام يربط بينه والاسرة وتغنى بها عثمان حسين وايضا الجاغريو كتب فينى اغنية (صادفنى الحبيب)
صادفني الحبيب – كلمات الجاغريو
صادفني الحبيب
بي حشمة سالمني
تركني أميل ثملان
وليهو قلبي سلّمتو
بي سهامو ألّمني
وأبا ما إكالّمني
وفي هواهو ظالمني
وأنا برضي ما لمتو
لأني .. لأني سالمتو
فردوسو في ذهني
وطهرو المنزّهني
واجهتو واجهني
وبي عواطفي كلّمتو
لأني .. لأني سالمتو
بي ضميرو كاشفني
وهدم أملي نشفني
سبا عمري كاد يفني
وأنا مغمى ما علمتو
لأني .. لأني سالمتو
أنا ريدو بادلني
وهو العاطفة بادلني
لكنّو بهدلني
قال لي حظك وقسمتو
لأني .. لأني سالمتو
س: وما قصة تلك الاغنية؟
ج: كان الشاعر فى طريقه لزيارة جيراننا وخلال دخوله كنت انا خارجة منهم ..فقال السلام عليكم ...ولم ارد عليه التحية لاننا ناس زمان كان عندنا اسس تربية صارمة فخفت ان اسالمه عندما دخل سالهم من هذه فاخبروه فكتب هذه القصيدة
س: من هم ابناء عثمان حسين ؟
ج: صلاح وحسن والبنات وداد وسهام
س: الاستاذ حسن ابن الراحل عثمان حسين احكي للقراء عن الوالد؟
ج : كان انسان بسيط بشوش وكان يوصينا منذ الصغر بأهمية احترام الاخرين
س:كيف كانت علاقته مع اصدقائه ؟
ج:له عدد كبير جداً من الاصدقاء ومن المقربين له حسين بازرعة واصدقائه علاقتهم معنا وطيدة حتى اليوم
س: ماهي احب اغنيات والدك الي نفسك؟
ج:كلها حبيبة الي نفسي ولكن اهدي للقراء ولمعجبيه ولكى استاذه نهى اغنية (محراب النيل) كلمات التجاني يوسف بشير
أنت يا نيل يا سليل الفراديس= نبيل موفق في مسابك
ملء اوفاضك الجلال فمرحى= بالجلال المفيض من أنسابك
حضنتك الأملاك في جنة= الخلد ورفت على وضيء عبابك
وأمدت عليك أجنحة خضرا= وأضفت ثيابها في رحابك
فتحدرت في الزمان وأفرغت= على الشرق جنة من رضابك
بين أحضانك العراض وفي= كفيك تاريخه وتحت ثيابك
مخرتك القرون تشمر عن= ساق بعيد الخطى قوي السنابك
يتوثبن في الضفاف خفافا= ثم يركضن في ممر شعابك
عجب أنت صاعدا في مراقيك= لعمري أو هابطا في انصبابك
مجتلي قوة ومسرح أفكار= ومجلي عجيبة كل ما بك
كم نبيل بمجد ماضيك= مأخوذ وكم ساجد على أعتابك
عفروا نضرة الجباه= ببراق سني من لؤلؤي ترابك
سجدوا ذاهلين لا روعة= التاج ولا زهو امرة خلف بابك
واستفاقوا يا نيل منك= لنغام شجي من الهي ربابك
وصقيل في صفحة الماء= فضفاض منضر من أهابك
وحروف ريانة في اسمك= النيل ونعمى موفورة في جنابك
فكان القلب ما استمدت= سكرى مسحورة من شرابك
أيها النيل في القلوب سلام= الخلد وقف على نضير شبابك
أنت في مسلك الدماء وفي= الأنفاس تجري مدويا في انسيابك
إن نسبنا إليك في عزة الواثق= راضين وفرة عن نصابك
أو رفلنا في عدوتيك مدلين= على امة بما في كتابك
أو عبدنا فيك الجلال فلما= نقض حق الذياد عن محرابك
أو نعمنا بك الزمان فلم نبل= بلا الجدود في صون غابك
Admin
Admin
Admin

المساهمات : 101
تاريخ التسجيل : 15/03/2011

https://nohaa.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى